2020 жылы Т. Әсемқұлов атындағы Otuken мәдениетті дамыту қоры, жазушының жары, мәдениеттанушы Зира Наурызбай мен шәкірттері ақын, тарихшы Ербол Алшынбай, этномузыкатанушы Рүстем Нүркен «Таласбек сыйлығы» байқауын ұйымдастырды. Жыл сайын өткізілетін байқау қаламгерлер мен зерттеушілерге екі номинация бойынша беріледі: Таласбектану және көркем әдебиет. Домбырашылар күйшінің репертуарындағы және жанынан шыққан күйлерін шертеді.
Таласбек сыйлығы 2024: Тоқтарәлі Таңжарық «СЕН ОСЫ ҚАЛАДА ЖҮРГЕН СЕКІЛДІСІҢ»
Мен Тоқтарәлі Таңжарықтың «Сен осы қалада жүрген секілдісің» деген туындысына дауыс беремін, себебі бұл өлеңге Алматының шығармашыл қауымының өмір салты, жалпы Алматы атмосферасы, суреткер жанның дүниені қабылдау трагедиясы, құпия махаббат оқиғасы және басқа да нәзік дүниелер еркін сыйып, иектесіп, иықтасып, өзінше бір тылсым әлем құрастырып тұр.
