Таласбектану байқауы

2020 жылғы байқаудың жүлдегерлері:
Бірінші орын: Сағадат Ордашева ««Біртұтас теория» иесі» және бұрын Таласбектің шығармашылығына арналған мақалалар үшін
Екінші орын: Нұрлан Сәдір «Бар болғыр, Бекторы…!» және кітапхана мұрағатындағы ізденістер үшін
Үшінші орын: Ертай Біләл «Таласбектің Мұзғар шыңы»
Ынталандыру сыйлығы Дана Кайржанова «Т.Әсемқұловтың «Талтүс» романының орыс, ағылшын аудармаларындағы сәйкестік мәселесі (салыстырмалы талдау)»
Мәдина Омар «Талтүс» әңгімесі үшін арнайы жүлде. Тамара апай Мұқанова-Мендошева «Ценности истинные и мнимые» үшін құрмет сыйлығы. Екінші номинацияда жүлде бермейтін болдық, өйткені мақалалардың бәрі бір деңгейде болып шықты, қайсын бірінші орынға қоятынымызды білмей қалдық. Бастамамызды қолдап, бәйгеге қатысқан Айнаш Садыкова Serik Ergali Algadai Abylgazyuly Ықылас Ожайұлыға көптен көп рақмет.

Келе жатқан 2021 жылы байқаумыз жалғасады. Бірінші бәйге – Таласбектану: Таласбек туралы ең мықты зерттеу мақала , екінші бәйге – «Otuken.kz сайттың бәйгесі»: жалпы қазақтың гуманитар, әлеумет ғылымдарына, руханиятына үлес қосатын ең мықты мақала, тақырыпқа шектеу жоқ, бір ғана талап − интеллектуалдық деңгей.
Таласбек туралы мақалалар я сілтемелерді Фейсбуктағы «Таласбек Әсемқұлов — Таласбек Асемкулов» тобына салуға болады: https://www.facebook.com/groups/394506140697607/ Otuken.kz сайтымыздың бәйгесіне ұсынылған мақалаларды Фейсбуктағы Otuken.kz қауымдастығына салыңыздар: https://www.facebook.com/Otuken.kz/?ref=br_rs Сол ФБ-та болып талқылаймыз. Ең мықты мақалаларды Otuken.kz сайтыма жариялаймын.
Мақалалар 2021 жылдың 1 тамызына дейін ұсынылуы керек. Бәйге нәтижесі 2021 жылдың 23 қыркүйегінде жарияланады.
Ізденетін жастарға бір бағыт – Таласбектің 1973-95 жылдары жазылған, мен білмейтін мақала, әңгімелері кітапханадан табылып қалу мүмкін. Телерадио, жеке архивтерде сол кезеңде жазылған хабарлар болуы мүмкін. Ондайды тапқан адамға сөзсіз бәйге беремін.